SANG NANDAKA
MUAH
PRABU SINGA
KAPISUNA
Kacritedi alas Malawane ade kone
lembu jagiran aukud, madan sang Nandaka.Ane dadi rajen alase ditu Sang Prabu
Singa. Panjaknyane sawatek asu alase. Pinake pepatihmadan patih Sambada,I Nohan
teken I Tatit.Sang Nandaka muah Prabu Singa,masawitra becik-becik.Sang Nandake
ngelaran kapanditan.
Sang Prabu Singa nyabran dine mlajahintutr kadarman nginutin solah Sang
Nandakane sadine-dine mamukti padang,suud mamati-mati,suud mamangsa
daging.Dening keto keweh sawatek asune,krane tusing bias neda padang,ambengan
muah don –donan.Ditu lantas paum di batan kayu kalikukune.
I Tati graos teken I Patih Sambada,nerangan panjake pada
kasengsare,berag aking. Masaut Patih
Sambadasade kenyem.”Ih”,ento cai pada makejang,yan kapineh baan I
dewek,pasawitra Ida Prabu Singa teken Sang Nandake tusing adung.Krane bina
paksa len kapti,artinelen sorah len tetujone.Jani I dewek ngalih daya upaya
apang Prabu Singa palas teken Sang
Nandaka.”Mare keto lege pesan keneh asune makejang, lantas paumane maluaran.
Nemoni dewase melah, I Sambadanyilib nangkil ring Sang Nandaka,ane sadek
masayuban di beten kayu bingine. I Sambada ngenggalang nyumbah lanrtas
matur.”Inggih Ratu Pranda mungguing kabecikan pasawitra I ratu ring
SangPrabu Singenenten nyandang
baosan, Sakewanten ampereyang pisan ,sane mangkin Sang Singe nyelsel
rage, antuk kadropon makanti ring I ratu.Ida wantah eleng ring rage nilar
sesananratun buron.Ida nandike sapuniki,”Jani awake tau teken undukI I
Lembu,tingkahne corah mapi-mapi sadu.Yadiapin I Lumbu matanduk nyanyap,awake
gede,seng keweh awake,ngalap kapatianne”.
Keto aturne I Sambada ngadu ada,lantas ia mapamit.Tan kacritaangdi
jalan,I Sambada sube tangkil teken Sang Singe,nyumbah-nyumbah matur,”Inggih,
Ratu Sri Mregepati ,titian nunas ampure!Titiang polih tangkilring Sang Nandake.Dane
maosan dahat singsal pamargin I Dewane”Sapunika pangandike dane. “Cai Sambada,bapa nuturin cai,buat jelen laksane
singane.Tusing pesan ia ngelah idepkapiwelasan, kabatek baan lobane kaliwat,
Punika patut kayunin I Ratu,sampunan I Ratutleman! Gelisan pegatan pasawitreI
Ratune ring I Nandaka,”Sang Prabu Singakipak-kipek sarwi mapineh-pineh.”Tanpa
guna tresnan deweke teken Nandake!Jani mule samayan deweke masiatnglawan I
Nandaka.
Sang Prabu Singe lantas bangun ,gegancangan majalan kairing baan I
Sambada,I Nohan ,I Tati muah asune makejang
nuju tongos Sang Nandakane.
Sesubane teked diarepan Sang Nandaka.Sang Prabu Singe ngelur
ngajengit,tumuli nyagrep baong Sang Nandaka.Getihne muncat,Sang Nandake ngwales
nyenggot ,betel lambung Sang Prabu Singane. Pamuputnema kadadue ngemasin ,pada
paruse di payudan.
Nah,tegaren pesan pisunane,krane pisunane ngaenan mangananteken
podang,side nguugang pasawitre,kulawarge ,banjar muah desa.
Tidak ada komentar:
Posting Komentar